Pétur Pétursson er mjólkurfræðingur að mennt og mikill áhugamaður um framleiðslu íslenskra mjólkurafurða. Hugmyndin um fyrsta íslenska rjómalíkjörinn kviknaði á ferðalagi um Ítalíu þegar hann borðaði hjá ítölskum bónda sem framleiddi sinn eigin mjólkurlíkjör.

Hann hófst handa við þróa uppskriftina fyrir hinn fyrsta og eina íslenska mjólkurlíkjör í eldhúsinu heima hjá sér. Það tók mörg ár að fullkomna uppskriftina, en loksins árið 2021 kom lokaafurðin í hillur verslana ÁTVR.